當驗孕確認左次後，立刻打電話去仁安度預約產檢
因為之前朋友有搵過一位醫生接生，所以我都想搵呢一位醫生。但因為醫生暫時唔晌香港，最快都要月尾先返到來，所以我先預約左另一位醫生，confirm 係有左BB先。
姑娘話當日有位男醫生有位，問我有冇concern。我諗一次半次，冇咩所謂。當日見到陳醫生，網上面都話佢好nice，我地第一次見佢，佢好詳細咁解釋基本左成個孕期有咩要注意，要開始食咩supplement，介紹坊間幾隻common既supplement俾我，分析有咩好有咩唔好，叫我地自己做決定。幾多週要做啲咩，包括埋公立醫院。跟住我地照超聲波，BB果時得6週，見到佢，但聽唔到心跳。陳醫生都話係十分正常，同埋佢話我D腸有D漲卜卜（便祕患者😅😅），亦都因為咁聽得唔清楚。叫我地都唔洗太擔心，如果真係有concern 可以照陰超，但我同老公都覺得冇咩所謂，可以遲D先。之後陳醫生再講多D關於便祕既注意事項，因為懷孕期間係會更嚴重。。。。
其實見完陳醫生都覺得好好，有D想搵佢。不過見男醫生始終有D尷尬，所以都打算睇定D先。
過左一星期後，因為我下腹keep住抽痛，所以得忍唔住又去仁安睇醫生。今次姑娘幫我安排左周醫生，一位女醫生。佢晌系統都見到我有睇過陳醫生，同埋來緊又book左吳醫生，佢都問我做咩事，而且好詳細解釋同埋照超聲波。今次終於聽到心跳，佢叫我唔洗擔心，話有時痛係正常，因為子宮擴大緊，最緊要冇流啡/血。
所以overall 來講，我覺得仁安既婦產科醫生好好（當然私家醫院會貴D），但係佢地都冇因為我睇第個/咩都唔知撞入來而敷衍我，全部都好耐心解釋，有問必答。
睇過2次，基本上流程都大致一樣：
1。先去2樓婦產科/兒科門診令飛仔登記
2。姑娘會俾一個杯仔同埋試紙去驗尿
3。好快就會去
所以更加俾到信心我要晌仁安生BB 😊😊
如果有準媽好冇睇開既婦產科醫生，又冇咩太大既budget concern，我都建議去仁安睇。但晌網上面都見到好多媽媽分享，好多仁安既醫生都有晌出面診所掛牌，其中一間叫翹康，相對地比較平D
希望大家懷孕旅程都順順利利 :)
0 意見:
張貼留言