對於一個「窮媽」來講,用盡大部分方法都冇母乳既情況下,只能夠做一個全奶粉B。明白到母乳係對BB最好最天然既食物,但係唔係個個媽媽都會有人奶😢😢
B米由晌醫院到出院頭一個月,都係飲緊奶粉( APTAMIL 白金)。頭頭都冇問題,便便好靚,一日大幾便便4-6次到1次,後尾1-2日先一次。因為都有問過醫生同上網search 過,BB便便情況主要係睇佢地便便既狀況,有時次數並唔係重點。
後來我地決定轉奶粉既情況係:
- B 米便便出血
- B米痾好硬既一粒粒屎
- 每次谷屎都谷得好辛苦,去到後期夜晚成日谷屎太辛苦谷到醒左
因為見B米訓得唔好,所以最後決定幫B米轉奶粉,睇下情況會唔會好D。上網做左D research,睇下邊隻奶粉主打腸胃同有多D益生菌,最後決定簡美贊臣ENFINITAS。
以下係我地轉奶粉既schedule (當時係滿月之後轉,1日飲8-10餐) ,每個BB情況唔同,我地既經驗只供參考,有需要既可以請教返醫生/護士😁
主要我地睇幾樣野:
- 第一次俾新奶粉BB肯唔肯飲。如果BB肯飲,咁就容易好多。
- 當BB接受新奶粉,我地首先1餐新3餐舊等佢腸胃慢慢習慣。由於佢一日飲左2次新奶粉,我地睇腸佢有冇唔舒服、嘔奶、便便情況,如果一切正常我地就再加一餐
- 第2日就1餐新2餐舊,因為第2日佢飲得冇之前咁多,所以我地呢個pattern 再KEEP多一日
- 第4日就開始一餐新一餐舊,去到呢度其實好明顯睇到個改變 :
1. 谷屎情況少左好多,夜晚又訓得林左好多
2. 冇再痾硬屎
3. 唔食益生菌都有便便
見到咁好既轉變,所以我地決定俾佢連績飲新奶粉試試💪💪試過冇問題之後,我地就全部飲新奶粉,過渡十分順利😆😆
我以上schedule 都係根據我自己BB既情況tune 出來,亦聽過有媽媽直接幫BB轉唔洗MIX來飲。所以真係大家都要睇下自己既情況去做決定,但要注意唔好呢隻唔岩又轉第3隻。上網見到有媽媽轉奶粉轉得太密,傷害左BB腸胃。
至於奶粉既選擇,亦都好睇BB。雖然我地飲左APTAMIL一個月,但APATMIL頭頭好好,係突然間BB唔岩,所以都可能係BB大個左情況有變。
希望大家BB健健康康,轉奶粉成功😚😚
0 意見:
張貼留言