[懷孕日記] 當睇到驗孕棒2條線後的下一步

(網絡圖片）

其實呀B既來到，都係一個surprise 

岩岩過去果一個月，我做緊斷食減重，所以經期一直未到覺得可能係斷食問題，老公叫我驗下，先見到係兩條線，我自己都嚇左一跳　

然後我發現一樣野，咁我下一步要點做 

我係唔知道的 XDDD 上網search都發現唔係太多文章有講，所以都想分享一下個人經驗。

我發現懷孕既時侯係6週，其實算係懷孕好初期　

首先你要問下自己3個問題先 : 

1. 想晌公立醫院定私家醫院生

2. 公司MEDICAL INSURANCE 有冇COVER 產檢？

3. 開刀定順產

可能好多準媽媽都未諗過以上問題，就算你未有決定，都唔會有太大影響　不過你可以用多1-2日做少少research 先　如果負擔到既 /公司MEDICAL 有cover，我建議去私人既婦產科專科都睇左先。如果你決定係私家醫院生，就最好搵定你心儀果位醫生，因為佢將會由第一次產檢跟進你既情況直到出世 :) 

當然，未有決定或者需要多D資料既，可以先去私人診所睇左先，如果你本身有睇開既婦產科醫生，咁你可以直接預約左先。

如果你打算晌公立生既，就晌私人診所 /去家計會羅懷孕證明就可以預約。

當你要去公立醫院存檔(無論最後會唔會晌公立生都好)，佢都要你出示懷孕證明，所以都建議大家去左睇醫生，令左分文件先。

因為我好早已經決定晌仁安生，所以直接就去睇仁安既婦產專科。

下一篇會分享一下我晌仁安產檢既第一次經歷 👦👧