之前有晌仁安做過一次手術，成個住院過程都好好，呢個亦係其中一個決定晌仁安生BB既原因😊😊
不過聽好多媽媽建議，可以既話都去政府醫院做產檢，起碼留一個紀錄。TOUCHWOORD，第時有咩緊急/嚴重既事，私家都係會轉介去公立醫院度生。所以有個record，到時有D咩事都可以快D。
當確認懷孕後，可以去公立醫院預約第一次產檢。我住沙田，所以都簡左威爾斯。威爾斯需要你出示地址證明，我聽講有D醫院都接受誇區，所以大家可能都要睇睇。
好多人有下載醫健通(HA GO)，登記做第一次產檢。我都有登記醫健通，不過2-3日都未有消息 （後來聽媽媽group 講，大部分一星萬到會call 返來同你預約時間），於是我直接去醫院登記。
要帶既文件
1. 身分證正本同副本
2. 老公身分證副本 （有D要，有D唔洗，當日佢剩係睇下但冇收到）
3. 懷孕證明，要有埋預產期日子
4. 地址證明
我直接去登記處排隊，見到職員同佢講預約產檢。佢會問你有冇晌威院睇過之類既基本問題，然後填返聯絡資料，跟住等叫名。大概等左20分鐘，佢會叫你去另一個窗口，俾幾分文件你簽（例如唐氏唔係100%準確之類），同埋預約左既產檢時間：
1. 第一次產檢資料：驗唐氏
2. 第二次產檢
3. 健康院轉介信 /威院會轉介返媽媽去健康院做普通產檢，所以又要再去健康院預約。
如果媽媽唔得閒，可以交企文件俾爸爸去排幫手做登記都得😏😏😏
我係4月頭去排隊，大約去到7月先有威院既第一次產檢（驗唐氏）
因為健康院打極都冇人聽，反正當日我晌威院，於是又坐車直接去瀝源健康院排隊登記。主要出示返頭先幾分文件，同墊威院既預約信就冇問題。不過健康院話第一次產檢都要等到13週，所以又要等多一個月。同埋冇任何確認信之類 😅😅😅 所以要立刻mark 實時間日子。
去政府都唔算好複雜，不過係等侯時間有D耐，大致上都算順利。明白到公立醫療資源係緊拙D，但係望住D booking，幾個月先睇一次，真心明白到點解咁多人都會執私家做產檢。有時覺得窮DD都唔可以生仔 😥😥😥 尤其懷孕初期，咩都未FEEL到果時感覺好唔實際😅
所以最尾都係公立私家兩邊去😂😂
0 意見:
張貼留言