【我的名字你的姓氏】VENDOR REVIEW - 台灣PRE-WEDDING 篇 （風格、體驗、台中景點）

因為我第一次籌備婚禮  ，果時又未開始好好咁做research

PRE-WEDDING就簡左一間朋友用過覺得唔錯既台灣攝影公司 

後來有小小後悔....因為做完reserch 發現自己原來係鍾意韓國studio style 

但因為已經簡左去台中影PW, 唯有一心一意向台灣學STYLE出發

睇左唔貼既SAMPLE，我地簡左去台中影風景相，一來之前好想去台中玩，二來王生都鍾意自然既景點，而且打算影完婚紗相我地都想去台北玩下，所以都決定去台中影PW。

出發前1-2個月，我地先去佢地既STUDIO度簡衫。個package 包 2 X 婚紗＋2 X晚裝。我簡左一條比教公主FEEL，另外一條貼身SLIM D，而且佢特別之處可以拆左下面出來，變一條短婚紗。至於晚裝，晌佢地工作人員推薦之下，我試左比較特別既顏色： 黑色同一隻electronic blue 。

我地既攝影行程 ： 清境別墅-》清清農場-》台中攝影城

總括一句： 影相好辛苦😅😂

清境

拍攝前一晚我地坐車去左清境，到達清境山上大約係傍晚時間。我地到既時侯仲要落雨，都有D擔心聽日攝影會點。

到達清境，入住攝影公司推薦既民宿，然後先發現一樣野 ： 唔包晚飯😭😭😭😭 所以我同王先生要立刻search 下附近邊度有野食，所以我地去左另一個民宿度食晚餐。我只能夠講有得食就唔錯，唔好期待太多😅 以前都想去清境玩，不過經過今次之後都有D後悔，其實都真係幾悶😅😅

到第二日，早上4點就要起身準備化妝SET頭，台灣的化妝style 其實都比較濃豔一D，我初初都好唔習慣，但我老公話好特別 LOL 唔知佢係咪安慰我。明明前一日都仲係落雨，不過天公造美，拍攝當日天氣好好。

OVERALL來講行程都係非常之緊密，我簡既呢位攝影師影風景好靚， D風景唔洗P圖都已經好似風景WALLPAPER咁。可能亦都係台灣PW既特點。不過我自己會著重一D係人物同埋個氣氛，我反而覺得個景係主角多過我自己。。。。所以到最後簡相既時候，我一張相都冇加到 💀💀💀